Posts tagged “PEBA

Ang Kuwento ng Isang Hurado

Hindi pa full blast ang aking pagbabalik-blogosperyo pero nais ko muna ikuwento ang isang magandang oportunidad na dumating sa akin.

Noong una’y sapat na sa akin ang magsulat, magkuwento at magpahayag ng aking sariling opinyon dito sa mundo ng blogosphere. Lumipas ang ilang mga posts at nakakilala ako ng mga online bloggers at ilang followers. Na-inspire at naging isang follower din. Kuntento na sana ako sa ganoon, ngunit nang magbukas ng pinto para sa ikalawang taon ng pakontes ang PEBA (Pinoy Expat/OFW Bloggers Award), minabuti kong ibahagi ang aking sariling kuwento – pagbabahagi na di naman talaga naghangad ng anumang gantimpala o pagkilala, kung hindi upang mailabas lamang ang sariling hinagpis bilang isang anak at may-bahay ng isang OFW. Kaya ng mapabilang ako sa Top 5, halos lumundag ako sa tuwa. Hindi ko iyon in-expect.

Isang taon na ang nakalipas at ako ay muling nagbabalik-PEBA ngunit ngayon ay bilang isa sa mga hurado. Isang opportunity na napakahirap palagpasin, at napakahirap magampanan. Kung sa tingin mo ay sapat na ang magbasa ay nagkakamali ka. Bukod kasi sa may criteria na sinusunod ay kailangan mong patatagin ang itong emosyon. Mahirap ang maging symphatetic in times you are only requested to emphatize. Masakit sa dibdib, at sa ulo. If I were to decide, lahat siguro pipiliin ko na lang na manalo dahil lahat naman sill ay deserving. Pero kailangan ko pa rin ulit-ulitin ang pagbabasa upang may mapili akong number 1.

Ganito pala ang naging experience ng mga nakaraang hurado, NAKAKALOKA! 🙂

Hindi ko masasabi kung ako ba ay sinuwerte sa paghirang sa akin bilang isa sa mga hurado dahil mukhang magkakasakit na yata ako sa puso (at lagi na lang daw akong umiiyak sa tuwing magbabasa, sabi ng mga bagets ko 😆 ). But I wish all the finalists GOOD LUCK and CONGRATULATIONS, dahil para sa akin, lahat kayo ay WINNER!

Sa PEBA, congratulations for another successful year!

Advertisements